Namminersorlutik Oqartussani kommuninilu piffissaq tamakkerlugu sulisartut

2018-imi pisortaqarfinni piffissaq tamakkerlugu sulisartut 10.699-iupput. Namminersorlutik Oqartussani piffissaq tamakkerlugu sulisartut 4.018-iusut kommunini piffissaq tamakkerlugu sulisartut 6.981-iusimapput.

 

Piffissaq tamakkerlugu sulisarneq atorfillit akunnerit suliffigisimasaat malillugit naatsorsoqqitaapput. Piffissap ilaannaanut atorfillit imaluunniit akunnialunnguani sulisimasut sulinerisa sivisussusaat malillugu naatsorsorneqarput.

 

Kisitsisitigut paasissutissat pisortat akissarsialerivianni AKISSARSIAT-ni nalunaarsuutit tunngavigalugit suliarineqarput.

 

Titartagaq 1. Kommunini aammalu Namminersorlutik Oqartussani piffissaq tamakkerlugu sulisartut

Najoqqutaq: http://bank.stat.gl/ofnoa2

 

Akissarsititsisarneq

Sulisut qaammammusialinnut akunnermusialinnullu naatsorsorneqarput. 2018-imi 7.074-t qaammammusialittut sulisimapput 3.624-illu akunnermusialittut sulisimallutik.

 

Tabel 1. Piffissaq tamakkerlugu sulisartut, akissarsititsisarneq malillugu

	2017	2018
	Amerlassusaat		Allannguut	Pct.
Katillugit ....................	10.536	10.699	163	1,5
Qaammammusiallit .............	6.961	7.074	113	1,6
Akunnermusiallit................	3.576	3.624	48	1,3

Najoqqutaq: http://bank.stat.gl/ofnoa2

 

Isumaqatigiissutinut agguaanneqarneq

Pisortani atorfillit amerlanersaat isumaqatigiissutit malillugit akissarsiaqarput. Akissarsialerivimmi isumaqatigiissutit malillugit sulisut nalunaarsorneqarsimapput. Kisitsisillu kisitsisaataasivimmi nassaarineqarsinnaapput, uani: http://bank.stat.gl/ofdoa5.

2018-imittaaq tjenestemanditut assigisaanilluunniit isumaqatigiissutit malillugit atorfinitsinneqarsimasut ukiumut siulianut sanilliullugit ikileriarsimapput. 2018-imi ikileriaat 2017-imut sanilliullugu piffissaq tamakkerlugu sulisartunik 48-nik amerlassuseqarpoq.

 

Piffissaq tamakkerlugu sulisartut immikkoortortaqarfiit malillugit

2018-imi Nuummi piffissaq tamakkerlugu sulisartut 3.856-iupput, taakkunannga 2.208-it Namminersorlutik Oqartussani atorfinitsinneqarsimapput 1.648-llu kommunimi atorfinitsinneqarsimallutik. Ittoqqortoormiini piffissaq tamakkerlugu sulisartut katillugit 70-iupput, taakkunannga 10-it Namminersorlutik Oqartussani 60-llu kommunimi.

 

Titartagaq 2. 2018-imi piffissaq tamakkerlugu sulisartut, immikkoortortaqarfik aamma suliaqarfik malillugu

Najoqqutaq: http://bank.stat.gl/ofnoa6

 

Pisortani atorfillit amerlassusaat

Suliaqarfik malillugu agguataarineq

Suliaqarfik malillugu agguataarinissamut saqqummersitassami Pisortat aningaasaqarneranni COFOG-ip agguataarneqarnissaa utaqqisaavoq. Taamaattumillu kisitsisaataasivimmi tabelimi http://bank.stat.gl/ofnoa1-mi kisitsisit aatsaat oktobarimi nutarterneqassapput.

 

Pisortaqarfinni atorfillit amerlassusaat

2018-imi katillugit 18.517-t piffissami sivikinnerusumi sivisunerusumiluunniit Namminersorlutik Oqartussani kommuninilu sulisimapput. Sulisoq naatsorsuutini ilanngunneqarpoq qaammammi ataasiinnarmi, kvartalimi imaluunniit ukioq naallugu sulisimanera apeqqutaatinnagu. Sulisoq piffissami naatsorsuiffiusumi atorfinni assigiinngitsuni arlalinni atorfeqarsimasinnaavoq. Taamatuttaaq sulisunut tamanut naatsorsuutini inuit amerlassusaat suliaqarfinnut ataasiakkaanut agguataarinermut naatsorsuutinut naleqqiullugit ikinnerupput. Sulisut amerlassusaannut naatsorsuutit atorfimmi piffissamik qanoq annertutigisumik atuisimanermut attuumassuteqanngilaq, tamanna piffissaq tamakkerlugu sulisuunermut naatsorsorneqarpoq.

 

Tabel 2. Atorfillit, suliaqarfik malillugu

	2017	2018
	Amerlassusaat		Allannguut	Pct.
Katillugit   ..............................	18.428	18.517	89	0,5
Namminersorlutik Oqartussat   ...............	7.260	7.368	108	1,5
Kommunit   ..............................	12.866	12.960	94	0,7

Najoqqutaq: http://bank.stat.gl/ofnoa2